Ditën kur në televizionin e Aleksandër Frangaj, ABC News kishte shkuar Sali Berisha për një intervistë, ka ndodhur një incident. Sipas ish-gazetarit të këtij televizioni, Fatos Mahmutaj, punonjësi kishte muaj pa u paguar, ashtu si dhe gazetarë dhe punonjës të shumtë. Për këtë arsye, ai ka marrë një pajisje transmetimi, në shenjë revolte. Por, drejtuesit e ABC kanë njoftuar policinë, që duket se e ka arrestuar atë.
“Para dy vjetesh publikova nje status ne FB ku thoja se ABSANDRINO TV kishte falimentuar dhe se prej kohesh nuk paguante rrogat. Ish kolege reaguan menjehere duke e mbrojtur median ‘rrezellitese’, nderkohe ne prag fushate elektorale situata u permiresua deri diku me ndihmen e qokave dhe gjobave te rastit. Por ne diten me te shkelqyer, kur vete Kryesaliu vendosi te rikthehej tek dashnorja e perjetshme, arrestohet nje ‘fakir’ pasi kishte marre nje paisje nga transmetimi, per shkak te rroges se papaguar prej vitesh. Protestes se tij i jane bashkengjitur kolege te tjere te uritur dhe ofenduar, por iu eshte dashur te heshtin perballe prangave dhe zagareve te pronarit. Miq te mi, une si ishkolegu juaj u kuptoj me mire se kushdo, ndaj ju keshilloj t’i rrembeni makinen Sandrinos dhe ju garantoj se po te shitet shlyhen rrogat tuaja modeste si dhe teprojne per te punuar te qete edhe nje vit me pas. Kaq”, shkruan Mahmutaj.
Ndaj lajmit kane reaguar drejtuesit e ABC News. Ata thone se jane arrestuar dy punonjes te cilet kane vjedhur stative kamerash tek TV A1, i Koço Kokëdhimës. “Arrestimi i tyre nuk ka lidhje me ABC News, pervec faktit qe ata jane punonjes te ABC. Ata jane denoncuar per vjedhje nga dikush tjeter, jo nga ABC News”, thuhet në reagimin e drejtuesve të ABC.
Marre nga BalkanWeb
