Një incident i pazakontë ka shkaktuar trazira në shtëpinë e ‘Big Brother Vip’, ku higjiena ka qenë shpesh në qendër të debatit. Një video që po bën xhiron e rrjeteve sociale ka kapur një moment të papritur teksa Romeo, Lisi dhe Endrik ishin të zhytur në biseda në oborrin e shtëpisë. Surpriza e vërtetë erdhi kur një mi gjigand kaloi prapa tyre, duke i bërë të reagojnë menjëherë.
Ky moment i filmuar ka tërhequr vëmendjen e publikut, duke u shpërndarë gjerësisht për shkak të reagimit të menjëhershëm dhe të tepruar të banorëve. Videoja jo vetëm që ka shtuar dozën e humorit në rrjet, por ka rikthyer në vëmendje edhe problemet e vazhdueshme me pastërtinë brenda shtëpisë së ‘VIP-ave’, duke bërë që komentet ironike të mos mungojnë. Shpesh janë dëgjuar ankesa dhe janë zhvilluar debate të forta mes banorëve për përpjekjet minimale që bëjnë për të mbajtur ambientin të pastër, dhe ky incident vetëm sa vërteton se çështja e higjienës mbetet një sfidë e madhe për ta.
