Emisioni me VIP-a që statron sot në ekranin e Top Channel “Në 1 javë “ është përfolur shumë në media. Emrat e pjesëmarrësve produksioni i ka mbajtur shumë hermetik, por para nisjes së startit ato tashmë janë zbuluar. Në këtë garë konkurojnë 8 personazhe publik të cilët vijnë nga fusha të ndryshme.
Një garë e fortë pritet mes konkurenteve femra të cilat janë emra të spikatur të botës së televizionit dhe muzikës. Soni Malaj, Olta Gixhari, Marsela Cibukaj dhe Hyeda El Sajed do jenë vajzat të cilat do garojnë për të rrëmbyer trofeun e madh të këtij spektakli. Soni Malaj, një nga këngëtaret më në zë të momentit, do jetë një ndër konkurentet më të forta, pasi ajo e ka sfiduar veten për sa i përket aftësive fizike edhe në shfaqje të tjera. Olta Gixhari, një ndër aktoret më të bukura shqiptare dhe tepër e talentuar nuk mbetet pas sepse format trupore të saj dhe energjia që e karakerizon aktoren e bëjnë atë një konkurente të fortë. Hyeda El Sajed, edhe kjo e sprovuar me skenën dhe me baletin me formate të ndryshme televizive, do sjell një frymë të re në këtë spektakel. Marsela Cibukaj nuk e kemi parë në asnje format televiziv jashtë profesionit të saj të muzikës dhe për atë është një sfidë e re por edhe e bukur.
Shumë janë diskutuar edhe emrat Vip meshkuj që përbën pjesën tjetër të spektaklit, po aq të talentuar dhe të dashur për publiku. Isli Islami sipikeri i lajmeve në Top Channel, Alban Nimani këngëtari që vjen nga Kosova, Gazmed Paja, aktori i humorit në spektaklin Portokalli dhe Landi Hysi, ish pjestari i grupi West Said Family. Të katër personazhet djem janë gati për të arritur dhe realizuar performancat në nivelin e duhur përgjat 10 javëve të spektaklit. Personazhet do të garojnë për një kauz dhe çmimi do t’ju dhurohet personave në nevojë. Të përzgjedhur nga produksioni performancat do të jenë spektakolare dhe tepër të veçanta. Juria që do të vlersoj personazhet “VIP” do të jenë tranjerët e zgjedhur nga vende të ndryshme të botës. Arbana Osmani moderatorja e këtij show do të rikthehet mbas një mungese një vjeçare në ekran. Gjithcka mbetet për tu parë sot në orën 20:45 në ekranin e Top Channel.
