Biletat për Festivalin Europian të këngës, Eurovision 2023 do të dalin në shitje të martën më 7 mars, ka njoftuar BBC. Fansat do të mund të paguajnë për të ndjekur nëntë shfaqje, dy gjysmëfinale të drejtpërdrejta dhe finalen e madhe, si dhe gjashtë ditët kur do të zhvillohen provat.
Çmimet variojnë nga 90 deri në 290 £ për gjysmëfinalet e drejtpërdrejta dhe nga 160 deri në 380 £ për finalen e madhe live.
Eurovision është konkursi më i madh ndërkombëtar i këngës në botë, dhe më shumë se 160 milionë njerëz pritet të ndjekin finalen, të transmetuar drejtpërdrejt nga Liverpool, në maj. Këtë vit, 37 vende do të konkurrojnë. Me këngën “Duje” Albina dhe Familja Kelmendi do të përfaqësojnë Shqipërinë në këtë garë.
Zakonisht vendi fitues pret Festivalin e radhës. Por për shkak të luftës, BBC do të presë eventin në emër të Ukrainës. Liverpooli, që i dha botës “Beatles” dhe Frankie Goes to Hollywood, është zgjedhur si qyteti pritës dhe Festivali do të zhvillohet në M&S Bank Arena në bregdet.
Hannah Waddingham do të jetë bashkë-prezantuese këtë vit, së bashku me Alesha Dixon dhe këngëtaren ukrainase Julia Sanina. Graham Norton do t’i bashkohet treshes për finalen e madhe.
Eurovizioni kulmon me finale e madhe të spektaklit të shtunën më 13 maj.
Marrë nga cityradioalbania
