Vasil Leshi nuk e ka parë të bijën prej 11 vitesh. Ish – bashkëshortja e tij u largua me vajzën, kur ajo ishte vetëm 2 – vjeç. Edhe pse ka krijuar një familje tjetër, Vasili vazhdon të jetë në kërkim të së bijës dhe për këtë arsye ai iu drejtua programit “E Diela Shqiptare”.
Vasili ishte pjesë e rubrikës “Ka një mesazh për ty”, ku rrëfeu historinë e dhimbshme të ndarjes nga vajza e tij e vogël.
Për moderatorin Ardit Gjebrea dhe gjithë publikun shqiptar, ai tregoi se gruaja ishte larguar papritur, me justifikimin se e kishte nënën sëmurë.
Ai rrëfen se me bashkëshorten shkonte shumë mirë, por kjo e fundit nuk shkonte mirë me prindërit e tij.
I dëshpëruar për të gjetur të bijën, Leadra, Vasili ishte përpjekur disa herë që t’i bindte prindërit e ish – gruas që ta ndihmonin të kontaktonte me të bijën, por ata, siç rrëfen ai, nuk kishin pranuar.
Kishte dëgjuar se ish – bashkëshortja dhe vajza e tij jetonin në Greqi, por nuk ia kishte arritur dot që të gjente një kontakt të tyre.
Me shpresën se do të pranojnë që t’i japin një kontakt të vajzës, Vasili, me anë të emisionit “Ka një mesazh për ty” i dërgoi një ftesë Znj. Lavdie dhe Z. Riza, ish – vjehërrit e Vasilit, të cilët pranuan të vijnë në studion e “E Diela Shqiptare”.
Ata u shprehën të gatshëm që Vasili shkojë të takojë të bijën në Greqi.
Madje Zoti Riza, përveçse dha aprovimin e tij, i siguroi atij do t’i jepte kontaktin dhe nëse ai dëshironte, do ta shoqëronte për të shkuar sëbashku në Greqi për të takuar Lean.
Marre nga Tv Klan
