Fati nuk po i ecën mirë producentit dhe moderatorit Ardit Gjebrea. Që prej nisjes së rubrikave të reja “Një mesazh për ty” dhe “24 orë me…”, Arditit po i ndodhin edhe gjëra të pakëndshme. Pas një padie në gjykatë për intervistën me të burgosurin disa javë më parë, Arditi sot mori një dënim tjetër. Rubrikën e sotme “24 orë me…”, Gjebrea ia kushtoi skuadrës së shqiponjave, në Policinë e Shtetit.
Pasi ka qëndruar plot 24 orë me shefin e kësaj skuadre, komandant Shkëlzenin, në një pjesë të videos së transmetuar, ndërsa të dy udhëtonin me makinë, Arditi ishte pa rrip sigurimi. Kaq u desh dhe pas transmetimit ministri i Brendshëm, Saimir Tahiri, ka vendosur të marrë masë për mosvendosjen e rripit të sigurimit nga producenti.
Gjoba i është njoftuar prezantuesit live në emision, ndërsa ishte ne transmetim. Pak minuta pas transmetimit të rubrikës “24 orë me…”, në celularin e prezantuesit mbërriti mesazhi nga Saimir Tahiri për gjobën e vendosur për rripin e sigurimit.
Lajmin e ka bërë publik faqja Anna Media, e cila shkruan: “Pas “24 ore me… Shqiponjat”, ministri i Brendshëm, z. Saimir Tahiri, ka vendosur t’i komunikojë Arditit marrjen e një mase për mosvendosjen e rripit të sigurimit! Dikush e denoncoi në Komisariatin Digital.”
Marre nga Class
