Endrik Beba, ish-vokalisti i grupit Lynx, ishte i ftuar në emisionin e mëngjesit në ABC News, me Alban Musën. Ai foli për shumëçka që nga ndarja e grupit, tek karriera e tij, dhe problemet në familje.
Endriku tregoi se është bërë baba dhe kur djali i tij erdhi në jetë, iu përkushtua atij, duke lënë pak pas dore muzikën. Ai tregoi për moderatorin Alban Musa se prej dy vitesh nuk e ka takuar djalin e tij 5-vjeçar, që ndodhet në Greqi. Ai tregoi se vogëlushi vuante nga një alergji që iu kthye në dispnea akute, ndaj qëndron në Greqi me të ëmën.
“Kam dy vite pa e parë djalin, po mjekohet në Greqi. Ka qenë një situatë e keqe. Fakti që nuk u bënë dy vite që jemi larg më jep forcë është vetëm ideja që është mire”, tha ai i prekur, kur fliste për Liamin.
Gjithashtu tregoi se COVID-i e ka penguar, dhe fakti që kujdeset për mamanë, gjyshin dhe gjyshen, që tanimë kanë ndërruar jetë. Përveç tyre, ai tha se edhe biznesi ka ndikuar, megjithatë siç edhe vetë tregoi rëndësi ka që djali është mirë me shëndet.
