Kompania e produksionit dhe distribucionit Entertainment One (eOne) ka marrë kontrollin e katronit të animuar që ka “çmendur” fëmijët e të gjithë botës Peppa Pig.
Sipas marrëveshjes me krijuesit, anglezja ABD – Astley Baker Davies, do të bëhet degë e kanadezes eOne. Kosto që kanë përfituar producentet e Peppa Pig me firmosjen e kësaj kontrate e ka shifrën 140 milion sterlina. Gjithashtu, sipas kësaj marrëveshjeje parashikohet prodhimi i 52 episodeve të reja.
Peppa Pig ka debutuar në Britaninë e Madhe në kanalin Channel 5 në 2004. Deri më sot ABD ka prodhuar 200 episode që janë shitur në 180 Shtete. Marka e familjes së derrkucëve ka gjeneruar 700 marrëveshje tregëtie në nivel botëror për përdorimin e brand-it për produkte të ndryshme si dvd, veshje, merchandising, me një xhiro vjetore prej rreth 1 miliard dollarësh.