E ndërsa mbrëmja e së shtunës pritet të shënojë një audiencë rekord në Top Channel me fillimin e edicionit të nëntë të BB9, paralelisht me të Digitalb do t’ju mundësojë që të ndiqni 24/7 gjatë gjithë ditëve të spektaklit shtëpinë më të përfolur të momentit.
Për abonentët e platformës, kanalet Big Brother 1&2 që do të mbulojnë transmetimin e gjithçka ndodh çdo moment në shtëpinë e Vëllait të Madh, do të mundësohetfalas deri në javën e parë të fillimit.
Pas kësaj shërbimi do të ofrohet me pagesë kundrejt shumës 1,990 lekë dhe mund të blihet online ose në dyqanet e platformës.
Klientët e platformës IPKO në Kosovë (çmimi 14.70 euro), si dhe partnerënve zyrtarë të Digitalb, abonimin mund ta bëjnë vetëm në dyqanet përkatëse.
Për të listuar dy kanalet Big Brother, abonentet me dekoder tokësor të thjeshtë duhet të bëjnë kërkim automatik të kanaleve, ndërsa abonentet me dekodera HD tokësor e satelitor si dhe flyBOX, duhet vetëm ta fikin e ta ndezin dekoderin me telekomandë.
