KAPITAL është një talk show LIVE që targeton moshat e rritura, publikun e interesuar për të kuptuar dhe marrë pjesë në vendimarrjen politike dhe publike.
Autori dhe moderatori i emisionit më të ri në Vizion Plus, Aleksandër Furxhi, vjen nga një pervojë e gjatë prej rreth dy dekadash si gazetar dhe editor i seksionit shqiptar të BBC. Në pervojen e gjerë dhe të mirënjohur nga publiku jo vetëm në Shqipëri por edhe në rajonin shqipfolës, mund të veçohet intervista me ish-udheheqesin e Bashkimit Sovietik Mihal Gorbaçov, e para dhe e vetmja dhënë për një gazetar shqiptar.
KAPITAL hyn në panoramën e emisioneve politike me synimin për të sjellë përvojën dhe stilin e adoptuar prej gjigandit britanik të mediave BBC. Në KAPITAL animohen debate të lidhura me ngjarjet më të rëndësishme të javës, sidomos duke analizuar impaktet dhe domethënien e tyre në teatrin politik shqiptar. Megjithate, KAPITAL nuk do të jetë vetëm politike, por edhe gjithçka është në fokusin kryesor të aktualitetit në Shqipëri, rajon dhe më gjerë.
Realizuesit e emisionit synojnë të sjellin në studio jo vetëm personalitetet më të spikatura të poltikës, shoqërisë civile, drejtësisë, artit e kulturës por edhe sa më shumë fytyra dhe personazhe të rinj e të pakonsumuar, poltikanë, gazetarë, ekspertë të cilët kanë gjera të çmuara për të ndarë me audiencën televizive.
Burimi | Vizion Plus
