Klan, Top Channel apo Vizion Plus? Ja cili televizion i ka reklamat më të shtrenjta

Me nisjen e sezonit të ri televiziv, të gjitha mediat kanë përcaktuar edhe tarifat e publicitetit për bizneset që duan të reklamojnë produktet e tyre.

Ato ndahen në fasha orare si edhe kanë çmime të ndryshme në varësi të emisioneve kur transmetohen.

Top Channel aplikon tarifën e 850 lekë për sekondë për reklamat që jepen në ndërprerjen e emisioni të mëngjesit, ndërsa 2400 lekë kushton sekondi i reklamës gjatë publicitetit të emisionit “Fiks Fare”. Reklamat më të shtrenjta paguhen gjatë ndërprerjes së programit “Portokalli” dhe tarifa është 8400 lekë. Po kaq paguhet edhe për reklama gjatë “The Voice of Albania”, ndërsa reklama në “Top Story” të Sokol Ballës kushton 2700 lekë për sekondë.

Kanë zgjedhur të bojkotojnë ndeshjet e kombëtares në shtëpi, si shenjë proteste ndaj …

 

Ndryshe ka zgjedhur t’i tarifojë reklamat TV Klan, i cili preferon që çmimet t’i vendosë në euro. Janë katër emisione që aplikojnë tarifat më të larta të reklamave gjatë ndërprerjeve. “Opinion” ditën e enjte, “Zonë e Lirë”, “Dance with me” dhe “Xing me Ermalin” kërkojnë 50 euro për sekondë, ndërsa më poshtë me 40 euro vijnë “E Diela Shqiptare” dhe “Your Face Sounds Familiar”.

Edhe në Vizion Plus reklama paguhet më shtrenjtë në spektaklet që organizon vetë televizioni. Për publicitet gjatë ndërprerjes së “Apartamenti 2XL” dhe “Al Pazar” paguhet 6600 lekë, ndërsa emisionet politike si “Dritare” dhe “Kapital” kanë tarifa më të ulëta, 2200 lekë për sekondë. Po kaq kushton reklama edhe gjatë serialeve turke që transmetohen në mbrëmje, “By Pass” dhe emisionit “Oktapod”./Tiranapost.al

REKLAMA
loading...

KOMENTO

This site uses Akismet to reduce spam. Learn how your comment data is processed.