“Klanifornia” edhe gjatë pandemisë, Hysko: Frikë, ankth, duheshin 7 leje, por…

Premiera e Klanifornia në 5 Tetor solli për herë të parë përballë publikut të Tv Klan një spektakël homori.

Por në gjysmë të rrugës, në muajin Mars si pasojë e masave të marra për shkak të përhapjes së koronavirusit në Shqipëri, Klanifornia ndryshoi format. Ishte një vendim i menjëhershëm i autorit të spektaklit, Turjan Hysko, së bashku me aktorët dhe stafin teknik të Klan, për ta kthyer Klanifornia-n në një spektakël skeçesh, të xhiruara në lokacione të ndryshme, duke lënë skenën për të vijuar xhirimet në terren. Gjithçka u realizua në një kohë, kur shumica e shqiptarëve ishin mbyllur në shtëpitë e tyre, për të qenë më të sigurt përballë rrezikut të pandemisë.

Në një intervistë për programin “Jo Vetëm Modë”, në Tv Klan, Turjan Hysko u shpreh se vendimi për të vazhduar spektaktin e humorit, edhe në mes të pandemisë ishte mjaft i mirë dhe për këtë falenderon stafin e tij, që edhe pse në kushte të vështira ia dolën.

Turjan Hysko: Gjëja e parë normale ishte që ta mbyllnim, pastaj të enjten ishte ora 9 e darkës, mora në filim drejtorin e përgjithshëm, Aleksandër Frangaj dhe i thashë unë nuk do e ndërpres emisionin, do dalim në transmetim. Tha po si do dilni në transmetim, nuk lejohet. I thashë do gjemë një formë tjetër, më lër ta provoj dhe në të kundërtën të shtunë paradite do ta shikojmë çkemi bërë dhe nëse nuk është ajo që duam, vazhdojmë me logjikën, që nuk do e nxjerrim ne transmetim. Patëm përplasje idesh, në fund fare ok tha, ti e di. Tani ishte dhe çështja e frikës, mora me rradhë gjithë aktorët, i mora personalisht një e nga një dhe thashë po i karikoj dhe të jap idenë. Mora aktorët, mora Marinën, nuk më tha njëri jo, të gjithë ishin ok ta bëjmë, të guxojmë. Në fakt ishte një eksperiencë shumë e bukur, ishte një adrenalinë ndryshe, në gjithë atë kaos, frikë, ankth të gjitha gjërat bashkë. E bëmë dhe besoj se bëmë mirë që nuk e ndërpremë. Për këtë dua t’i falenderoj të gjithë, nga i pari tek i fundit që besuan tek ideja që mund ta prodhonim edhe në kushte aq të vështira dhe ja dolëm. Dhe këtu flas jo vetëm për stafin, flas edhe për punonjësit e tjerë të Klanit, teknikët, kameramanët dhe të gjithë me rradhë.

Regjisor Altin Ago shprehet se momenti kur u morr vesh vendimi, që studiot do bllokoheshin ishte pak shokues, pasi ata kishin përgatitur gjithçka për të dalë në skenë.

Altin Ago: Momeneti i parë kur na erdhi lajmi që studiot do bllokoheshin dhe nuk do të bëheshin emisionet brenda në studio ishte pak shokues për ne se ishim përgatitur që atë javë do ishim në skenë. Krejt papritur na ra poshtë gjithë skenari, dhe gjithë numrat që kishim përgatitur për atë javë. Direkt të nesërmen u mblodhëm edhe stafi teknik i Klanit për të zgjidhur këtë situatë. Dolëm të xhironim në terren të gjithë skeçet, që ishin më të vështira në këtë moment sepse duhet të ishin dhe elementët filmikë, kinematografikë paska. Dhe u përballëm edhe më një situatë tjetër më të vështirë që ishte distanca sociale. Kameramanët duhet të mbanin distancën nga aktorët, me maska. Gjithashtu një fakt që duhet përmendur është eksperienca e aktorëve në terren, gjë që na ka nidhmuar shumë, se këta vinin nga një fushë që kishin eksperiencë xhirimi në terren dhe na e lehtësuan disi punën.

Ndërsa, më Tej Hysko shton se pavarësisht pengesave, strresit dhe situatës si pasojë e pandemisë është një eksperiencë që do ta mbajë mend gjatë.

Turjan Hysko: Kur thoshim njerëzit që nuk po punojmë se si më dukej, sespe në fakt për hir të së vertëtës ka të bëjë më stresin psikologjik më shumë. Ishte organizmin që duhej bërë nga hiçi i të gjithëve, nga i pari tek i fundit dhe tani që e mendoj, tani që gjithçka u lirua. Lëvizja dukej sikur punonim ilegal, duheshin marrë 7 leje,  policia që ndalonte, shtëpitë që nuk i gjenim dot kollaj për të xhiruar, lokacionet për terrenin, dita e regjistrimit stres më vete, montazhi po ashtu. Është një eksperiencë shumë e bukur që unë do ta mbaj mend gjatë, të paktën personalisht. Jam shumë i lumtur që në fakt e e kam stafin shumë të mirë, vërtet grup pune shumë i mirë, se vetëm nuk bëhet, kjo jo e jo, por asgjë nuk bëhet vetëm. Të gjithë kanë dhënë atë tullën që ne ta dalim mirë dhe për këtë jam i lumtur./tvklan.al