Tashmë të gjithë e njohim Klea Hutën, bukuroshen e ekranit e cila e nisi fillimisht karrierën e saj përmes muzikës për t’u drejtuar më pas tek televizioni.
Prej vitesh e kemi parë të drejtojë formate të ndryshme me karakter muzikor, si “Gjeniu i Vogël” apo “Maratona e Këngës” në ekranin e televizionit Klan nga i cili mesaduket është larguar.
Sipas emisionit “Chaud Patate” në Energy Radio, Klea do të fillojë një emision të ri në ekranin e Top Channel duke lënë ende në mister se cili do të jetë lloji i programit që ajo do të drejtojë apo edhe data e transmetimit.
Prej kohësh, Klea është në një lidhje dashurie me kompozitorin dhe këngëtarin e njour Elgit Doda, duke u quajtur shpesh herë si personazhet më sipatik të showbizzit shqiptar.
Ajo gjithshtu ka qenë fituese në çmimet e IMA Awards 2014 ku ka marrë vlerësimet maksimale nga ndjekësit e IMAlbania.com në kategorinë “Personazhi Zbulim i Vitit”./IMA/
