Dalja e Britanisë së Madhe nga BE i njohur si Brexit, ka prekur edhe tregun mediatik përfaqësuar nga disa nga emrat më të njohur të sektorit, si Viacom International Media Networks (VIMN), 21st Century Fox, dhe Viceland që kanë vendosur të zhvendosin licensat e tyre nga ky vend ku operonin.
Viacom International Media Networks aktualisht po operon me licencën e transmetimit për buqetën e kanaleve të saj franceze MTV (France), MTV Hits (France), Paramount Channel (France), BET (France), Nickelodeon (France), Nickelodeon Junior (France) dhe Nickelodeon Teen (France) nga Holanda.
21st Century Fox ka marrë licensën e transmetimit për kanalet National Geographic Channel dhe Nat Geo Wild në Spanjë, si edhe versionet në gjuhën holandeze të Fox dhe National Geographic Channel për Belgjikën.
Viceland është duke përdorur një licencë holandeze për kanalet e saj holandeze dhe belge.
Aktualisht, më shumë se 750 kanale të bazuara në Britani dhe të licencuara nga rregullatori i mediave Ofcom mund të transmetohen në të gjithë Bashkimin Evropian pa kufizime pasi Britania është pjesë e tregut të vetëm të BE-së.
Discovery, Disney, Modern Times Group, Turner Broadcasting, 21st Century Fox, dhe Viacom janë ndër ofruesit e kanaleve televiziv me qendër në Britani. Shumë prej tyre besohet se do të ndjekin shembullin në një të ardhme të afërt.
