Klevis Tafaja një djalë me ëndrra dhe ambicjeve të mëdha drejt rrugës së baletit. Një balerin i ri i cili është i pari shqiptar që ka fituar një konkurs ndërkombëtar që i ka dhënë të drejtën e studimeve në Amerikë. Ëndrra e tij, pasioni, puna dhe vullneti i hekurt e ka çuar atë të eci gjithmonë përpara. Ka qënë ekzekutues në balete të ndryshme brenda dhe jashtë vendit në disa role kryesore. Karriera e tij nisi ne Teatrin Kombëtar të Opreas dhe Baletit për tu stacionuar tashmë në vendin ku ëndrrat bëhen realitet, Amerikë. Klevisi ka rrëfyer ekskluzivisht për Info Media Albania eksperiencat e tij, arritjet dhe pritëshmëritë për të ardhmen.
Klevis si lindi dëshira për t’u marrë me balet?
Dëshira për baletin lindi rastësisht, tek shikoja kërcimtarë në televizion dhe prindërit duke parë pasionin tim për kërcimin më dhanë një shtysë më shumë për të vazhduar. Familja ime ka qenë ajo që deri më sot më ka përkrahur e kurrë s’më ka lenë të rrëzohem. Ndihem i bekur që kam një familje të tillë.
Si ka qenë fëmijëria juaj na tregoni pak më shumë?
Nga kujtimet e fëmijërisë time kam shumë nostalgji, eh ato vite për mua të paharrueshme.
Cilin person konsideroni si zbuluesin e talentit tuaj?
Talentin ma ka zbuluar profesori im Luan Shtino, një ndër pedagogët më të mirë sot për sot në Shqipëri.
Keni menduar ndonjëherë në moshë të vogël ta linit baletin sepse provat dhe ushtrimet e shumta nuk mund ti realizonit dot?
Cdo profesion është i vështirë dhe ka momentet dekurajuese por aman kur ti atë e bën me dëshirë, vullnet dhe pasinon asgjë nuk të duket e vëshirë, sa do të vështira të jenë ushtrimet ose provat në atë moshë.
Sa ju ka ndihmuar shkolla e baletit për tu afirmuar?
Shkolla e baletit më ka ndihmuar shumë sepse aty unë mora bazën e kërcimit.
Sa e vështirë ka qënë për ju afirmimi si balerin në Shqipëri?
Për mua shumë e vështirë. Shumë artistë vendosin të largohen nga vendi ynë sepse nuk gjejnë hapsirën e duhur, mundësitë edhe pse dëshira për të kontribuar në artin e vendit tonë është e madhe. Këtu nuk ke mbështetje dhe zgjedhja e vetme është mërgimi jashtë vendit, larg familjes dhe shoqërisë. Shpresoj që një ditë kjo situatë të ndryshoj.
Cila ka qenë sakrifica juaj më madhe për tu bërë balerin?
Pa mund, sakrificë, dëshirë dhe pasion nuk bëhet ky zanat.
Karriera juaj artistike ka nisur në Teatrin Kombëtar të Operas dhe Baletit. Na tregoni më shumë për këtë eksperiencë?
Po, aty ka nisur karriera ime në TOB edhe pse në pamundësi të hapsirave unë arrita të zë vend duke luajtur shumë role si në trupë ashtu edhe solistike, pa pasur një kontratë.
Roli që keni luajtur në TOB që për ju ngelet i pa harruar?
Roli më me peshë ose më i rëndesishëm është Sokoli në baletin “Halili dhe Hajria”, një rol shumë i vështirë që arrita ta kaloj me sukses, sigurisht me punë, deshire dhe vullnet dhe me ndihmën e pedagogut Alber Janku.
Keni marr pjesë në shumë konkurse dhe tetaro jashtë vendit. Ku jeni gjendur më mirë?
Cdo teatër ka magjinë e tij. Kam qenë në Greqi në teatrin e Selanikut ku kam luajtur në baletin “Endërra e një nate vere”, gjithashtu kam qenë në Itali, Gjermani e shumë vende tjera.
Kush nga pjesëmarrjet jashtë vendit do mbetet më e veçanta për ju?
Konkursi që kam bërë në Itali. Nuk e di si mund t’ju shpjegoj ato çaste por di vetëm që në mendjen time ato momente do të mbesin sa të vdes.
Nga ky konkurs ju jeni shpallur fitues. Mund të na tregoni më shumë rreth kësaj fitore?
Konkursi “Danza Europa” u zhvillua në San Marino. Unë morra pjesë me variacionin e Don Kishotit dhe arrita të fitoj çmimin e parë nga 300 veta që ishin në konkurim. Nga fitimi i çmimit mu dha e drejta për të performuar në SHBA. Me shumë pune dhe vullnet arrita të bind bordin e kompanisë time Ajkun Ballet Theater të më ofronin një kontratë 3 vjeçare. Ajkun Ballet Theater është një kompani shumë prestigjose në Amerikë për më tepër drejtor është Leonard Xhokaxhiu, një balerin i shkëlqyer dhe ish solist i TOB.
Keni arritur ëndrrën tuaj për të filluar karrierën në Amerikë. Cfarë prisni tashmë nga Amerika?
Nga Amerika ndoshta një karrierë që kam dëshiruar gjithmonë.
Do riktheheni në Shqipëri edhe nëse në Amerikë do të arrini majat e suksesit?
Ndoshta ndonjë ditë pse jo. Në të ardhmen dëshiroj të jap edhe unë sa do pak kontribut për artin e vendit tim.
Cfarë do realizoni në Amerikë konkretisht? Cila është ëndrra e rradhës
Në Amerikë dua të ralizoj ëndrrën time synimi im është që një ditë të jem pjesë e Amerikan Ballet Theater ose New York City Ballet dhe pse e vështirë por kurrë e pa mundur vullneti i njeriut mposhtë çdo barrikadë.
Cili është një ndër rolet në balet që se ke realizuar ende dhe që dëshironi ta realizoni?
Padyshim është roli i Don Kishotit të gjithë baletin.
Cili është balerini më i mirë shqiptar për ju?
Nuk dua të bëj komente, të gjithë janë të mirë në llojin e vetë.
Ndonjë projeket tjetër perveç Amerikës?
Tani për tani asnjë, ndoshta në të ardhmen.
Një mesazh për fansat tuaj që ju ndejkin dhe për lexuesit e Info Media-Albania?
Dua t’u them që asgjë nuk është e pamundur edhe për ata që mendonjnë qe ëndrrat janë vetëm ëndrra, gabohen, çdo njeri ka një potencial për të relizuar endrrën e tij. Never give up!