Grupi RTL tani po ofron për shikuesit më shumë kanale se çdo transmetues tjetër kombëtar në Kroaci.
Kjo pason fillimin e transmetimit të tre kanaleve të reja tematike, të emëruar si RTL Passion, RTL Crime dhe RTL Living.
RTL Passion, i cili ka për qëllim audiencën femërore, ofron per teleshikuesit telenovela turke, meksikane, indiane dhe kroate, ndërsa RTL Crime transmeton seriale të tilla si CSI dhe RTL Living është një kanal që i drejtohet familjes, orientuar nga programet lifestyle.
Rrjeti RTL gjithashtu emeton ne Kroaci kanalet kombëtare RTL, RTL2 dhe RTL Kockica. Ky grup mediatik është sot një nga më të njohurit në Europë në fushën e mediave audio-vizive, i shtrirë me kanalet e tij në Gjermani, Francë, Belgjikë, Luksenburg, Hollandë, Spanjë, Hungari, Kroaci dhe Azi.