Lancohet kanali më i ri, zbuloni kush janë imazhet e tij!

Nëse sot gjatë ditës e keni shtypur kanalin 7 në platformën IPKO, keni mundur ta shihni siglën e Gazetës Express. Nga ora 22:30 ekrani do të hapet dhe në shtëpitë e juaja do të arrijë sinjali nga studiot e televizionit më të ri. Televizioni është pronë e kompanisë “MediaWorks”, kompani kjo që tashmë është e njohur në treg me produktin e saj kryesor, portalin më të madh në Ballkan, Gazeta Express.

Sonte në orën 22:30, tregut medial në Kosovë do t’i shtohet edhe një televizion i ri: televizioni i Gazetës Express.

Emri i këtij televizioni, logoja, emisionet dhe gjithçka tjetër do të shpalosen sonte në detaje.

Televizioni është i pozicionuar në kanalin e 7-të në platformën IPKO dhe në kanalin e 56-të në “Digitalb”.

Pronar i këtij televizioni është shoqëria aksionare, “MediaWorks”, e cila aktualisht njihet gjerësisht me produktin e saj kryesor, portalin e njohur Express.

Në periudhën testuese (16 mars-26 mars) skema programore do të zbulohet dalëngadalë. Pra, deri në fund të javës së parë, shikuesit do të mundë ta shohin tërë skemën programore të televizionit.

Qysh në javën e parë, televizioni do t’i ketë mbi dhjetë emisione.

Berat Buzhala do ta ketë emisionin e tij dy herë në javë. Një emision plotësisht ndryshe për tregun tonë medial.

Leonard Kerquki vjen para jush me një emision të ri, tri herë në javë. Do të kthehet edhe emisioni “Zona Express”.

Arsim Lani me ekipin e tij të gazetarëve do t’i japë një dimension plotësisht të ri informacionit, përmes magazinës informative, që do të transmetohet çdo ditë në orën 19:30.

Fidan Jupolli do të jetë pesë herë në javë në ekranin e juaj.

Elita Rudi do të jetë çdo të shtunë me ju.

Kaltrina Mikushnica rikthehet në ekran me programin e mëngjesit, çdo ditë.

Vlera Jusufi do t’i shndërrojë fundjavat e juaja në një argëtim të vërtetë, përmes emisionit të saj të sportit.

Shpëtim Desku vjen me një format plotësisht të ri në emisionin e tij.

Pesë herë në javë do të jetë me ju edhe Anita Ahmeti me programin e saj të pasdites.

Miqtë tanë të ICK-së do të jenë pjesë e kësaj skeme programore me emisionin e tyre kushtuar teknologjisë.

Dijedon Musa vjen me emisionin e tij për shëndetësinë.

Dritan Dragusha me intervistat e tij vjen çdo fundjavë.

Një herë në javë në ekranet e juaja do të sjellim një emision për veturat.

Gjigandin DW do të vijë te ju në këtë ekran përmes dokumentarëve fantastikë.

Gjatë ditës, televizioni do të sjell te ju lajmet e fundit përmes një formati plotësisht të ri të “news-channel”-it.

Dhe, shumë e shumë risi të tjera.

REKLAMA
loading...

KOMENTO

This site uses Akismet to reduce spam. Learn how your comment data is processed.