Romanca e lindur në “Dancing with the Stars” mes Elhaida Danit dhe Ledianit, partnerit të saj në skenën e programit dhe thashmë edhe në jetë, është kritikuar jo pak nga publiku, nisur nga fakti që balerini në nisjen e spektaklit disa javë më parë ishte në një tjetër marrëdhënie.
Ndërkohë që Elhaida reagoi pak ditë më parë në Instagram, duke pranuar se e kupton zhgënjimin e fansave të saj, por siguroi se askush nuk e dinte historinë e vërtetë dhe nuk kishte thyer asnjë kod moral, tani ka folur për lidhjen edhe Lediani.
Mbrëmjen e sotme në “Talk Show”-n e “DWTS”, para finales, një speciale e programit ku konkurentët, juria dhe disa gazetarë po flasin për atë çka ndodhur deri më tani në këtë rrugëtim, balerini dhe këngëtarja u shprehën kështu për lidhjen e tyre:
“Nëse nis diçka e re, është e logjikshme që diçka ‘më e vjetër’, ka përfunduar dhe kjo s’ka nevojë për shpjegim.”
Ndërkohë vetë Lediani tha:
“Nuk e menduam që do të merrte këtë lloj përmase. Edhe kur është dhënë videoja, kemi menduar të ndajmë një copëz dhe pjesën tjetër ta mbajmë për vete. Kjo është shumë reale, e ndjejmë njëri-tjetrin dhe kaq!”
Nga ana tjetër Dani u duk sikur përsëriti edhe njëherë ato që kishte shkruar në reagimin e saj të mëparshëm, duke u shprehur se nuk kanë thyer asnjë kod moral dhe janë shumë të lumtur sot dhe ndihen shumë me fat. Gjithashtu ajo tha se kjo histori e tyre është e vërtetë nga fillimi e deri kur të zgjasë, ndërsa të tjerat do i mbajnë për vete.
