Sky Italia do të realizojë një version italian të serialit popullor francez në të gjithë botën Les Reventants. Platforma italiane pay tv,ka blerë të drejtat për të prodhuar një remake italian të serialit televiziv, puna për realizimin e të cilit është ende në fazën fillestare. Regjisor i serialit do të jetë Stefano Lodovichi, regjisor i ri i njohur për filmin me metrazh të gjatë “Aquadro”.
Sky, gjithashtu, ka blerë të drejtat e transmetimit të serialit origjinal, që do të transmetohet së shpejti në Sky Atlantic, ku do të transmetohet edhe versioni italian. Suksesi i serialit që ka bërë xhiron e botës, është transmetuar në shtatëdhjetë vende si dhe janë në fazën e produksionit dy versione: një amerikan, The Returned, që do të transmetohet në kanalin A&E me producent ekzekutiv Carlton Cuse (autor i Lost); ndërsa, tjetri, do të transmetohet në kanalin rus Channel One.
Les Revenants, shkruar nga Fabrice Gobert, rrëfen rikthimin në një qytet të Francës të disa personave që rezultonin të zhdukur kohë më parë. Rikthimi i tyre vë të gjithë popullsinë e vendit përballë një situate të pazakontë para së cilës nuk dinë se si të sillen. Seriali në Francë është pritur shumë mirë, si në pikëpamjen e audiencës si në atë të kritikës, duke fituar disa çmime kombëtare.
Les Revenants ështe rinovuar për një sezon të dytë që është duke u transmetuar ne Canal +.
