Pritja ka mbaruar! Televizioni më i ri muzikor shqiptar MAD Albania do fillojë transmetimet javën e ardhshme. Në te njëtën ditë do të fillojë transmetimet edhe MAD Radio në frekuencën 105.7 FM.
Ashtu siç edhe mund të keni venë re ditët e fundit, televizioni muzikor shqiptar Super Sonic TV ka mbyllur transmetimet në frekuencën analoge 37 UHF duke u zëvendësuar me një sfond të bardhë me mbishkrimin “Wait for the Different”, sllogan i cili është parë ditët e fundit edhe në posterat e vendosur në rrugët e kryeqytetit.
“Pritja për ndryshim” paralajmëron fillimin e transmetimit të kanalit më të ri muzikor shqiptar MAD Albania, filial i grupit mediatik grek MAD TV, i cili në datë 6 qershor festoi 18 vjetorin e krijimit si televizioni i parë muzikor në Greqi. MAD TV ka luajtur një rol të rëndësishëm në industrinë muzikore greke duke realizuar disa aktivitete me protagonistët e tregut muzikor vendas evente si Athens Music Forum, Secret Concerts koncerte live të këngëtarëve më në zë dhe jo vetëm si dhe organizimin e ngjarjes më të rëndësishme muzikore në Greqi, MAD Video Music Awards, që vlerëson artistët më të mirë të vitit.
Kanali MAD TV, bazuar në të dhënat e audiencës, renditet si kanali më shikueshmëri maksimale duke konkuruar fuqishëm edhe MTV Greece. MAD është i pranishëm me filialet e tij në Qipro, Bullgari dhe sëfundmi edhe në Shqipëri
Mad Albania do të ndryshojë konceptin e të bërit të një televizioni muzikor në Shqipëri. Harrojini kanalet muzikore shqiptare që keni ndjekur deri më sot pasi Mad nuk do të jetë thjesht playlist-a e rradhës në ekran, por do të ofrojë një programacion ku nuk do të mungojë muzika si dhe më e rëndësishmja programet që do t’i kushtohen botës së muzikës dhe protagonistëve të saj. Pjesë e programacionit fillimisht do të jenë 12 emisione, si Hip Hop District, Post Alternative, 3JAT MAD, MAD Day, MAD News, Agenda, UK Top, US Top, MAD GEEKS, Rock’n’Rollica etj.
InfoMedia Albania ka arritur të sigurojë ekskluzivisht fotot e ambienteve të studiove të tre emisioneve të cilat ju ftojmë t’i shikoni më poshtë.
Në foton e parë ju prezantojmë studion e Hip Hop District, emision i përjavshëm ku do të prezantohet muzika hip hop më e re dhe hitet më të bukura nën drejtimin e Einxhi dhe Sid, i cili është vellai i këngëtarit Jon Tarifa.
Në foton e dytë shohim studion e Post Alternative, emison i përjavshem me muzikë alternative me rubrika të shumta rreth kësaj rryme. Emisioni do të drejtohet nga Genti.
Ndërsa ne foton e tretë shohim një kolltuk me motivin e flamurit britanik, pjesë e studios të emisonit 3JAT MAD, emision i përditshëm nën drejtimin e dy djemëve mjaft humoristik Rudi & Mateo që do t’i i japin një frymë tjetër çdo lajmi për të cilin do të informojnë teleshikuesin.
Nga sa keni lexuar, të gjithë prezantuesit e MAD Albania janë emra të rinj të ekranit të panjohur më parë nga publiku i gjerë, kjo për vetë faktin se që në fillimet e tij MAD ka synuar të sjellë një frymë të re përfaqësuese, ashtu siç është edhe televizioni, ndryshe nga të tjerët!
