A jeni gati për një bashkëpunim midis Loredana Zefit dhe Ylli Limanit? Dyshja e njohur pritet së shpejti të publikojnë projektin e tyre të parë së bashku.
“Prive” ka bërë me dije se xhirimet e videoklipit të tyre do të zhvillohen sot në Prishtinë. Ky është e gjitha çka dihet deri tani rreth këtij bashkëpunimi, i cili duke njohur Loredanën dhe Yllin pritet padiskutim të shndërrohet në një hit.
Reperja e njohur, Loredana Zefi ka arritur një tjetër sukses në karrierën e saj nëse do e konsideronim të tillë, pasi është shpallur artistja më e klikuar në rrjetin social “TikTok” në Zvicër për këtë vit.
Jo vetëm kaq! Po në këtë rrjet social ajo është renditur e 7-ta në Gjermani si artistja më e klikuar nga fansat. Statistikat i ka bërë me dije vetë Loredana me anë të disa story-ve më herët në Instagram.
Kjo vjen pasi ajo fitoi çmimin “Best Swiss Act” në “MTV EMA”. Reperja asokohe ndau në Instagramin e saj disa momente nga pjesëmarrja në ceremoninë e ndarjes së çmimeve.
Krahas kolazhit me foto e video, Loredana shkroi edhe një mesazh të gjatë në gjuhën gjermane, ku nuk harroi të falenderonte edhe të gjithë mbështetësit e saj.
