Luana Vjollca sapo ka publikuar projektin e saj më të ri muzikor.
I paralajmëruar prej javësh, pritja e fansave të shumtë të saj ja paska vlejtur pasi Luana solli një nga projektet më të mëdha të karrierës së saj.
Krahas pranisë së yllit latin, ky projekt është shumë i veçantë pasi sjell bukuroshen shqiptare ndryshe nga që e kemi parë në videoklipet e kaluara.
“Locos” mban titullin kënga, e cila sjell shumë ritëm në këtë verë dhe edhe më ‘’hot’’ e bëjnë lëvizjet dhe koreografia fantastike që na zbulon edhe një tjetër talent të Luanës, atë të vallëzimit.
Videoklipi është xhiruar i tëri në Tiranë ndërsa sipas burimeve të Gazetës Express kap një kosto shumë të lartë shpenzimesh duke filluar nga avioni privat, veturat luksoze e deri tek veshjet e Luanës të markave të njohura botërore si “Versace” e “Philipp Plein’’.
Jay Santos, ylli i muzikës latine, i cili ka qenë edhe iniciatori i këtij bashkëpunimi, është i njohur në tregun muzikor me hitet si “Caliente”, “Dale morena” etj.
Muzika e këngës super ritmike është punuar nga producenti spanjoll German Valenzuela, ndërkohë që teksti është shkruar nga ai dhe Luana Vjollca.
MixMaster është realizuar nga producenti i huaj spanjoll, fitues i 4 çmimeve Grammy, Caco Refojo.
Ndryshe ky është bashkëpunimi i dytë ndërkombëtar për Luanën ,e cila vetëm një vit më parë solli projektin “Yalla habibi” në bashkëpunim me Faydee.
https://youtu.be/0wJAPrIDb6o