Ashtu si ju kemi informuar edhe më parë, moderatorja e ekranit Luana Vjollca edhe këtë sezon të ri televiziv do të mbetet në ekranin e Top Channel duke zënë pjesën kryesore të së shtunës në mbrëmje e cila i ishte besuar Adi Krastës, ku ky i fundit u largua nga televizioni kombëtar duke e lënë fashën orare bosh.
Ditën e sotme, Luana ka publikuar në faqen e saj në Instagram një video promo të emisionit të saj, ku shfaqet mjaft simpatike dhe e bukur. Në materialin e postuar shihen mjaftë elemente si veshje dhe make-up, të cilat mund të jenë një parashikim se çfarë karakteristike do të ketë formati. I cili, na bën të dyshojmë se ai do të jetë i tipi life style, edhe pse emri dhe detaje të tjera kanë mbetur sekret në brendësi të TCH.
Por çfarë do të prezantojë në të vërtet Luana? Na mbetet për ta zbuluar në javët në vazhdim./IMA/
