Luana Vjollca është gati për surprizën e rradhës! Moderatorja e njohur e Top Channel ka menduar të bëjë një dhuratë për festat e fundvitit për të gjithë fansat e saj. Luana ka ndarë në llogarinë e saj në ‘Instagram’, një foto ku shfaqet e kthyer me shpinë e veshur me një pelerinë të kuqe alla Santa Claus.
Por ajo që bije në sy është shkrimi “Ghetto Santa”, i shkruar në veshjen e Vjollcës, ndërsa foto postimi shoqërohet me mbishkrimin “Çfarë dhurate doni t’iu sjell për vit të ri? Së shpejti”. Kjo ka ngjallur menjëherë dyshimet për një bashkëpunim të mundshëm me kunatin e saj, reperin, Getoar Selimi.
Nuk dihet ende se si qëndron e vërteta e kësaj dhurate, por me siguri këtë do ta zbulojë vetë Luana në javët në vazhdim, ndërsa fansave u duhet vetëm të presin.
