Seriali i ri i animuar Lupin III – Aventura Italiane, i ambientuar në Itali do të fillojë transmetimin nga e diela e 30 gushtit, në prime time në kanalin Italia 1.
Seriali, kushtuar personazhit Arsenio Lupin, është ndër më të priturit për sezonin e ri televiziv. Sezoni i ri përmban 26 episode, ku Lupin shfaqet me xhaketë blu dhe i shoqëruar nga Jigen, Goemon, Fujiko dhe i kërkuar nga agjenti i policisë Zenigata.
Rikthehet keshtu ne ekran nje nga personazhet me te dashur te kartonave pas tre serialeve, me mbi 200 episode dhe nje pushim nga viti 1985. Episodi i parë i Lupin u transmetua për herë të parë në vitin 1971. Manga origjinale është ideuar në 1967 nga krijuesi Monkey Punch, i frymezuar nga personazhi i hajdutit gentilmen të krijuar gjashtëdhjetë vjet më parë nga shkrimtari francez Maurice Leblanc.
Në fakt seriali i ri ka ngjallur kritika të forta pa filluar ende transmetimin, fokusi i debatit ka qenë sigla muzikore. Për këtë sezon të katërt është zgjedhur si interpretues i këngës,shkruar nga Giorgio Vanni, rapper-i Moreno Donandoni, fitues në vitin 2013 i Amici. Një vendim i cili nuk është pëlqyer nga publiku social, sjellja në versionin rap është e papërshtatshme për filmin dhe kjo mënyre e të kënduarit përfaqëson një target të caktuar publiku që nuk ka lidhje me historinë e personazhit.
Sigla e re e Lupin III kënduar nga Moreno
https://www.youtube.com/watch?v=at2j1BWrRrM
