Eshtë padyshim një nga formatet më të suksesshëm të momentit në televizionin shqiptar, për më tepër kur bëhet fjalë për të shijuar të gjithë jemi dakort me lugën dhe pirunin në dorë, edhe pse në këtë rast sytë janë ata që ngopen më shumë. Masterchef Albania ka filluar tashmë përgatitjet për sezonin e tretë. Suksesi i dy sezoneve të para ka bërë që Top Channel të mos priste gjatë për realizimin e të tretit, duke nisur audicionet fill pas finales së që shpalli fitues të edicionit të dyte Blerin. Dhe interesi i aspirantëve Masterchef që kanë trokitur në dyert e audicioneve ka qenë po aq i madh sa edhe dy vitet e kaluar. Por ajo që na intereson neve si telespektatorë është pikerisht fillimi i transmetimit të sezonit të tretë. Për të na shuar kureshtjen këtë herë na ka paraprirë shefi në juri Renato Mekolli, i cili me një status ka berë të ditur se shtatori do të jetë muaji kur do të ndizen vatrat e sezonit të ri të talent show më të shijshëm të ekranit.
