Ashtu siç ju bëmë me dije në postimin e djeshëm, listës së kanaleve tematike në Digitalb nga data 1 Maj do t’i shtohet kanali më i ri Stinët.
Me një programacion të fokusuar tek produksionet serial, ky kanal përveç serialeve që transmetohen në kanalin T, i cili do të rikonceptohet gradualisht në programacion dhe do të kalojë në formatin HD, do të vijë me shumë tituj të rinj.
Një nga risitë është Señora Acero, një telenovelë meksikane prodhuar nga Argos Comunicación, në bashkëprodhim me Telemundo, xhirimet e së cilës janë bërë në Tijuana dhe Guadalajara, në Meksikë Skenari është shkruar nga Roberto Stopello.
Protagoniste është aktorja Blanca Soto në rolin e “Señora Acero”, si dhe aktorët e tjerë antagonistë Marco Pérez, Jorge Zárate , Rebecca Jones, José Luis Reséndez dhe Luciana Silveyra.
Seriali është transmetuar premierë nga 23 shtatori 2014 në Telemundo.
Señora Acero, tregon historinë e një gruaje, Sara, e cila ishte e martuar dhe e lumtur me Vicente Acero, një komandant. Diten e dasmës së tyre, një grup i organizuar vrasesish u përpoqën të vrasin Vicente, por përfunduan duke vrarë të atin e Saras. Më vonë, arrin të vrasin burrin e saj duke besuar se ai vodhi tre milionë dollarë. Sara largohet për në Guadalajara për të shpëtuar djalin e saj. Më vonë ajo zbuloi se burri i saj nuk i kishte humbur 3 milion dollarët, para të cilat do të jenë fillimi i një përleshje me mafian meksikane dhe me korrupsionin qeveritar. Një serial i bazuar në një histori të vërtetë që nuk duhet humbur!
Promo zyrtare
