Mbrëmjen e djeshme në Canale 5 u transmetua episodi i fundit i Squadra antimafia. Pas tetë sezone Mediaset ka vendosur të mos prodhojë më të tjera sezone të serialit televiziv që solli në ekran luftën kundër mafias me ritme te dhe aksion të paparë më parë në një fiction italian. Lajmi është bërë i ditur nga profili zyrtar i serialit në twitter.
Seriali nisi transmetimin në 2009 me nën titullin “Palermo oggi”, për t’u hequr nga sezoni i pestë, kur protagonistët zhvendosen në Catania.
Squadra antimafia nisi udhëtimin e tij me Claudia Mares (Simona Cavallari), agjente e policisë në krye të skuadrës antimafia në Palermo dhe Rosy Abate (Giulia Michelini), vajza e bosit mafioz e transferuar në Amerikë larg familjes së saj. Dy personazhet i lidh bashkë një incident i ndodhur kohë më parë, ku Mares shpëtoi Rosy Abaten. Pavarësisht kësaj, lidhja midis dy femrave do të përçahet në momentin kur Abate përfshihet në biznesin e jashtëligjshëm të familjes së saj. Për më tepër, midis tyre do të hyjë edhe Ivan Di Meo (Claudio Gioè), dashuria e të dyjave.
Seriali, gjatë sezoneve ka pasur dy reboot. I pari, në sezonin e pestë, me zhvendosjen e skuadrës në Catania, ku ushtron punën protagonisti i ri, zëvendës kapiteni Calcaterra (Marco Bocci). I dyti reboot vjen në sezonin e tetë dhe të fundit, me nën titull “Rikthimi i bosit”, në të cilin skuadra ndryshon pothuajse të gjithë formacioninin, me në krye Anna Cantalupo (Daniela Marra).
Gjatë këtyre viteve, përveç protagonistëve, Skuadra antimafia ka pësuar edhe një ndryshim në tematika dhe zhvillim.
Pas tetë sezonesh me surpriza dhe cliffhanger edhe Squadra antimafia ka pësuar rënienë audiencë: pas suksesit në fillim me 6 milionë telespektatorë, fiction-i ka patur një rënie graduale në shikueshmëri, duke arritut në sezonin e fundit me më pak se 3 milionë telespektatorë.
Edhe pse u konfirmua zyryarisht përfundimi i serialit, vitin e ardhshëm do të transmetohet seriali Rosy Abate, spin-off me protagoniste Giulia Michelini.
Në Shqipëri seriali transmetohet nga Top Channel,për të cilin ka pasur një interes të kënaqshëm nga publiku shqiptar.
