Këtë të dielë “N’majë t’gjuhës” ishte i ftuar artisti i njohur Mentor Haziri. Pas një mungese në intervista zgjodhi studion e Xheraldina Vulës për të na folur më gjatë rreth karrierës.
Pak kohë më parë Mentori ka publikuar një cover të këngës së njohur turke “Aramam” të këngëtarit Ibrahim Tatlıses. Kaq mjaftoi që coveri të bëhej një hit në Turqi e jo vetëm. Ditën e sotme Mentori tregoi se gjithçka erdhi spontanisht.
“Thjesht më pëlqeu kënga e thash pse jo mos ta sjell një cover”.
E në fakt ka qenë vendimi i duhur duke parë suksesin që pasoi.
Mentori gjithashtu zbuloi se është në përgatitje të një albumi i cili pritet të publikohet brenda muajit dhjetor. Artisti edhe këtë herë është kujdesur vetë për shkrimin e teksteve.
Në studion e programit Mentori këndoi live edhe disa nga hitet e tij ndër vite.