Përtej TV Klan dhe Top Channel, nevojë ka tregu mediatik shqiptar për televizione të reja gjeneraliste? Mos ndoshta duhen më shumë alternativa për shikuesit?
Në një kohë kur tregu është bombarduar me tv “all news” të gjitha me të njëjtën ten skeme programore ku ndryshon veç logoja dhe ngjyra e grafikave dhe rendja për të qene të parët për lajmin e fundit qofte ky edhe banal, si dhe disa televizione muzikore që nga dita ditës po zhduken me avancimin e teknologjisë dhe hyrjen masive te platformave muzikore në internet duket se ajo çfarë mungon vërtet është media gjeneraliste.
Për hir të së vërtetës Kosova është shumë më përpara nesh dhe e avancuar në numrin e kanaleve që ofron me një program të larmishëm.
Përtej RadioTelevizionit Shqiptar që po bën përpjekje për t’u ringritur dhe TV Klan e Top Channel tanimë të konsoliduar në treg ai nga i cili pritej më shumë ishte Vizion Plus që pati një periudhe kohore që arriti të fitonte shumë pikë e sidomos me transmetimin “free-to-air” por në vitet e fundit kodimi i tij në satelit e ka bërë të humbasë në audiencë.
INTV apo Tema mundohen të mbushin sadopak gjithë këtë hendek në median gjeneraliste sigurisht të pafuqishëm për t’u bërë balle ekraneve kryesore si nga ana infrastruktore edhe financiare.
Në çdo mbrëmje televizive përballja për audiencë shtrihet në dy deri në tre televizione dhe alternativat për të e zgjedhur duken të pakta.
Vërtet jemi një vend i vogël por ama kemi nje popull mjaft të vëmendshëm ndaj medias tradicionale dhe qe sigurisht mirepret të renë dhe mbase do meritonte më shumë./IMA/
