Milto Baka, ish-gazetar dhe më pas ish-shefi i Departamentit të Informacionit në RTSH, është ndarë nga jeta në moshën 77-vjeçare, njoftoi familja.
Baka ka lënë pas një karriere të konsoliduar në median e shkruar e atë radiotelevizive.
Bashkë me emra të tjerë të shquar si Alfons Gurashi, Shyqyri Skënderi, Tefta Radi, Amalia Dhamo e shume të tjerë, Milto Baka ishte ndër gazetarët e parë që themeluan gazetarinë televizive shqiptare.
Arkiva e RTSH ka në memorjen e saj kronika dhe emisione të shumta që mbajnë firmën e Milto Bakës.
Në 60-vjetorin e TVSH, Baka do ta quante një fat të punonte në RTSH, ndërsa karrierën e kish nisur në redaksinë e lajmeve të Radio Tiranës.
Për gazetarët e rinj Milto Baka do të mbahet mend si një profesor i përkushtuar në çdo kohë dhe për çdo gjë.
I specializuar si gazetar ekonomie, vitet e fundit Milto Baka ja kushtoi marketingut televiziv duke dhënë një kontribut shumë të vyer.
