Ndërkohë që nuk dihet ende data zyrtare e fillimit të edicionit të tetë të reality show-t Big Brother Albania, një gjë është e sigurt, këtë vit do të kemi një shtëpi më të madhe dhe më të bukur, ku do të mbretëroje luksi. Shtëpia e vjetër këto ditë është duke shëmbur. Një shtëpi e re do të ngrihet mbi gërmadhat e saj. Siç mund të shihni edhe në foto asgjë nuk do të mbetet nga shtëpia e vjetër përveçse kujtimeve nga edicioni i kaluar.
Ashtu si e do edhe slogani i këtij viti, “Para dhe Pushtet”, banorët që do të kenë fatin të hyjnë këtë edicion do të jenë më se të përkedhelur nga ambientet e reja. Një edicion që premton risi duke filluar nga prezantuesi Ledion Liço të cilit i është besuar drejtimi pas largimit të prezantueses historike Arbana Osmani, për shkak të shtatëzanisë.
