Pas librit me të njëjtin titull, i cili bëri xhiron e botës, tashmë “50 hijet e Gray-t” vjen edhe në film.
Një ndër librat më të shitur në historinë botërore, një bestseller ku pasioni dhe romanca nuk kanë kufi duke kaluar përtej çdo imagjinate. Filmi që ka ngjallur një interes shumë të madh tek publiku dhe ështe shoqëruar me polemika për skenat e nxehta do të vijë edhe në kinematë shqiptare në premierë kontemporanee me shumë vende të tjera të botës duke filluar nga nesër.
Trailer
Pesëdhjetë Hijet e Greit” sjell ne ekranin e madh librin bestseller që është bërë një fenomen global. Në momentin që u publikua për herë të parë, trilogjia “Pesëdhjetë Hijet” është përkthyer në 51 gjuhë në mbarë botën dhe është shitur në shumë se 100 milionë kopje duke e bërë atë një ndër librat më shpejt të shitur në histori. Në rolet e Christian Grey dhe Anastasia Steele, të cilët janë portreti i miliona lexuesve, janë Jamie Dornan dhe Dakota Johnson. Së bashku me Jamie Dornan dhe Dakota Johnson në role të tjera janë Luka Grimes si Elliot, vëllai i Christian; Victor Rasuk si José, miku i ngushtë i Anastasias; Eloise Mumford si Kate, shoqja më e mirë e Anastasias ; Marcia Gay Harden si Dr.Grace Trevelyan Grey, nëna e Christian; Rita Ora si Mia, motra e Christian; Max Martini si Taylor, truproja i Christian; Callum Keith Rennie si Ray, njerku i Anastasias ; Jennifer Ehle si Carla, nëna e Anastasias ; dhe Dylan Neal si Bob, burri i Carlas.
