Janë vajzat më të guximshme të gazetarisë së show biz-it në mediat shqiptare. Kanë provokuar pafund me fjalët dhe thumbet e tyre. Së fundmi u shfaqën çdo të hënë edhe në “Dancing With The Stars” me po të njëjtin rol, atë rol që më së miri u përshtatet, të çmendin VIP-at me të vërtetën e tyre, të thënë troç.
E për kë tjetër e kemi fjalën, përveçëse Aulonës e Fatmës? Vajzat po shëtisin shumë mirë nga njëra studio në tjetrën, po bëjnë miqësi me të gjitha mediat. Një sezon shumë i suksesshëm në “Top Show Magazine” e maja e ajsbergut me spektaklin e vallëzimit në Vizion Plus. Në këtë të fundit e kanë qarë me lot çdo puntatë, duke qenë një pjesë shumë speciale e show-t. I kanë ngacmuar të gjithë, kanë hedhur thumba, kanë sharë, kanë lavdëruar, kanë mërzitur e lumturuar shumë njerëz. Por, ajo që më së shumti ka qenë e suksesshme është pikërisht surpriza e natës finale. Me mbështetjen dhe “lejen” e producentes Dulaku, dyshja e famshme doli në skenë për të realizuar një “Thumb” shumë të suksesshëm, një puntatë speciale, e cila vuri në lojë të gjithë konkurentët, jurinë dhe produksionin në përgjithësi. Vajzat rikthyen edhe njëherë atë program të shkurtër të You Tube-it në skenën e “Dancing…”, të lënë pas dorë prej disa kohësh, nga angazhimet e tjera profesionale e personale.
Kjo mundësi dhe performacë në teatrinë e yjeve në “Vizion Plus” ka rikthyer sërish komentet nga të gjithë fansat e programit “Thumb”, të cilët presin me padurim rikthimin sa më të shpejt të tij. Të paktën në komentet e rrjeteve sociale shumë njerëz i kanë komentuar dhe kërkojnë që “Thumb-i” të rikthehet. Kujtojmë që me anë të këtij programi, Aulona dhe Fatma kanë patur jo pak probleme, deri në dyert e gjykatave me persanazhe të ndryshme të show biz-it. Gjithsesi, vajzat premtojnë se do të rikthehen sërish dhe kësaj radhe akoma më suksesshëm, shumë shpejt.
IMA / S. Dema
