Ja pra që jo vetëm ne kemi “halle” Instagram-i, por edhe emra botërorë si Britney Spears apo Christina Aguliera. Në fakt së fundmi e para ka tërhequr jo pak vëmendjen, për keq, me një deklaratë që ka bërë, pikërisht për balerinat e Aguilera-s.
Kështu, Spears shkroi për kërcimtaret që shoqëronin performancën e Christina-s, që “nëse do të kisha balerinat e Christina Aguilera-s, do të dukesha e vogël.” Duke ofenduar jo vetëm balerinat, por edhe vetë kolegen e saj. Sikur të mos mjaftonte kjo, këngëtarja e shpëroi shkrimin me citimin: “Kam kuptuar se kishte vetëm një mënyrë për t’u dukur i dobët: të shoqërohesh me njerëz të shëndoshë.” Nuk besojmë se ka nevojë t’ju themi sa kritika ka marrë Britney për këto komente, me shumë ndjekës që i kanë kërkuar ta fshijë postimin apo të kërkojë falje sepse sigurisht “Nuk ka nevojë të ulësh një grua që të ndihesh mirë me veten.”.
Pas komentit Christina Aguilera ka reaguar, jo me një deklaratë, por thjeshtë duke hequr Britney-n nga Instagrami dhe me të drejtë.
Më parë kishte deklaruar se në mënyrë të pavullnetshme, dëshiron t’i ofendojë njerëzit pasi ka qenë e ofenduar gjatë gjithë jetës, sidomos kur ka qenë nën kujdestarinë e prindërve, megjithatë këto lloj deklaratash ajo nuk i kishte bërë ndonjëherë, aq më tepër ndaj një kolegeje.
