Partia Demokratike në një deklaratë për mediat ka denoncuar veprën penale të një zgjedhësi i cili ka votuar në orët e para të mëngjesit në Universitetin “Ismail Qemali”, Vlorë.
Kandidati për deputet i PD-së, Atird Hoxha, është shprehur komisionerët e Qendrës së Votimit, kanë konstatuar që qytetari ka fotografuar votën, veprim të cilin e ka pranuar dhe vet ai.
Pasi qytetari ka parë reagimin e Komisionerëve është larguar me nxitim.
Ky veprim i jashtligjshëm, siç bëri me dije dhe Hoxha gjatë deklaratës së tij është mbajtur shënim në procesverbalin e qendrës së votimit dhe është përshkruar në librin e protokollit të mbledhjeve.
“Partia Demokratike Vlorë, është informuar për këtë akt dhe duke ju referuar fakteve dhe rrethanave të këtij veprimi, i është drejtuar organit të akuzës për të nisur procedimin penal ndaj këtij shtetasi,” – u shpreh kandidati për deputet i PD-së.
