Leonardo DiCaprio, përveçse një prej aktorëve më të mirë të brezit të tij, njihet edhe për punën e madhe në mbrojtjte të mjedisit, teksa shpesh herë ka shprehur mbështetjen e tij edhe për kauzat mjedisore në Shqipëri.
Pak muaj më parë ai bëri një postim në Instagram, ku mbështeste publikisht mbrojtjen e lumit Vjosa, ndërsa bashkangjitur me foton që lexonte “Vjosa pa diga”, shpjegonte arsyen pse ishte e rëndësishme që të ruhej një nga lumenjtë e fundit të egër në Europë. Më shumë mund të lexoni këtu.
Ndërkohë në lidhje me këtë kauzë është shprehur edhe këngëtarja e njohur, Ellie Goulding. Ajo ka publikuar një video, ku shfaqen pamje nga Vjosa dhe protestat që janë organizuar në vend për mbrojtjen e saj. Organizata që ajo promovon, ndër të tjera mbështet kauzën e “Blue Hart”, lumenjve të egër të Gadishullit Ballkanik ku përfshihet edhe Vjosa.
Ndër të tjera artistja e shumë hiteve shkruan:
“Gjithçka që bëjmë ka një ndikim në njerëzit dhe planeti. Industria e veshjeve është një nga shkelësit më të këqij të abuzimeve të punës dhe ndotjes që nxit krizën e klimës. Nuk ka pse të jetë kështu.
“Petagonia” ka përdorur zërin e saj për “Blue Heart’, me një film që synon të ndihmojë në mbrojtjen e Gadishullit Ballkanik. Shtëpia e disa prej lumenjve të fundit të egër në Evropë dhe megjithatë ata janë nën kërcënim nga më shumë se 3,000 hidrocentrale të propozuara të cilat do të shkatërronin jo vetëm zona të mëdha të habitatit natyror të paprekur më parë, por edhe kulturat e shumta dhe të larmishme të rajonit.”