Pasditen e sotme në programin “Ditë pas dite” nga Fjodora Fjora, ishte i ftuar Dj Sardi i cili foli për karrierën dhe jetën personale. Në mënyrë të veçantë për faktin që është bërë baba.
Ai u pyet nëse është tëhequr pak nga jeta e natës tani që është baba i një djali por mesa duket ky fakt e ka frymëzuar edhe më shumë të ndjekë karrierën në muzikë me mbështetjen e partneres së tij, Jonisës.
“Të qënurit baba nuk më ka penguar të tërhiqem nga jeta e natës pasi është mami i Zais, Jonisa që më mbështet dhe ka marrë sakrificën të kujdeset për të gjatë kohës që unë punoj. E falenderoj shumë sepse më ka shtyrë më shumë në rrugëtimin tim me suportin e saj që të jem pjesë e koncerteve apo eventeve të rëndësishëm sa i përket karrierës sime”
Për herë të parë ai tregoi pse zgjodhën emrin Zais Denzel për djalin:
“Kishim disa emra në fakt por Zais na e sygjeroi shoqja e ngushtë e mamasë dhe Denzel e zgjodhi Alesio i cili donte të ishte edhe “nuni” i tij. Na pëlqenin të dy dhe nuk i ndanim dot, kështuqë zgjodhëm ti mbante të dy. Ai mund të zgjedhi kë të dojë pastaj. Njërin mund ta mbajë si emër artistik. Zais po më pa mua nuk do të shkojë tek askush tjetër, kemi një lidhje shumë speciale”.
Sardi gjatë intervistës tregoi se në planet e tij të ardhshme të birit do t’i dedikojë edhe një këngë:
“Ende nuk kam krijuar një këngë për të por sigurisht që do ta bëj. Ashtu si babai im ka bërë një këngë për mua edhe unë dua t’ja dedikoj një këngë djalit tim”