Ditën e premten moderatorja Bora Zemani deklaroi se pas përfundimit të emisionit të enjten Doriani ishte konfliktuar me Erin. Ajo se çdo gjë do sqarohet në “Prime” të dielën, teksa Eri u pezullua përkohësisht nga emisioni.
Ndërkohë, mbrëmjen e sotme u transmetua edhe videoja e plotë e përplasjes mes çunave. Shihet se situata ka qenë më serioze nga ç’duket. Debati mes tyre ka nisur për shkak të mjekrës, e cila nisi nga Antonela, që u shpreh se Doriani “Nuk ka lesh”. Pasi situata u nxeh mes tyre, Eri kishte braktisur studion.
Më pas, debati mes tyre ka vijuar edhe pas përfundimit të regjistrimeve.
Kujtojmë se Eri u përplas edhe me Fationin kur ai ishte pjesë e emisionit. Menjëherë pas asaj ngjarjeje, ky i fundit u tërhoq nga gara. Nëpërmjet një postimi në Instastory ai ka bërë me dije se s’do jetë më pjesë e formatit, nisur nga intrigat, mashtrimet apo dyfytyrësitë e konkurrentëve të tjerë.
Dorian Kuka iu bashkua ditën e enjte Për’puthen dhe u kuptua menjëherë që do ishte pjesë e rëndësishme e emisionit pasi ndezi menjëherë debat në studio. Doriani është 29-vjeç nga Lushnja. Ai tregoi se deri në moshën 22-vjeçare kishte qenë futbollist, mirëpo më pas ishte tërhequr për shkak të dëmtimeve që kishte pësuar dhe operacioneve që kishte kryer. Më vonë, ai ishte marrë me modeling.