Pirateria shkakton humbje prej 700 milionë eurosh në vit në Gjermani

1.9 milion persona përdorin rregullisht shërbimet ilegale për të parë televizion në Gjermani duke shkaktuar kështu një dëm prej 430 milionë eurosh në vit për kompanitë mediatike.

Duke përfshirë shumën e të gjitha taksave dhe detyrimeve të tjera, humbjet llogariten në rreth 700 milionë euro në vit. Këto janë rezultatet e një studimi nga grupi konsultativ dhe hulumtues gjerman Goldmedia i hartuar për shoqatën tregtare gjermane VAUNET (ish VPRT).

Materiali që piratohet më shumë nga shikuesit, është sporti, filmat dhe dokumentarët.

Pirateria është e përhapur në moshat e reja mes 18-23 vjeç, ku 1/3 e të rinjve përdorin materiale të pirauara me në mesatare 90 minuta në ditë.

Është interesante se 89% e përdoruesve të transmetimeve ilegale të TV-së do të zgjedhin oferta të platformave nëse nuk kanë më mundësi të hyjnë në shërbime të paligjshme./IMA/

REKLAMA
loading...

KOMENTO

This site uses Akismet to reduce spam. Learn how your comment data is processed.