Plus Communication ndërpretë shërbimet, komunikimi zyrtar

Kompania shqiptare e telefonisë celulare Plus Communication njoftoi se do të ndërpresi shërbimin e saj më 1 janar 2018.

Këtë kompania e bëri të ditur me anë të një njoftim në faqen e saj në internet, por edhe në një mesazh që ju ka nisur abonentëve të saj.

“Për të siguruar vazhdimësinë në shërbimet e telefonisë së lëvizshme, ju këshillojmë të kaloni tek një nga operatorët celularë që operojnë në treg” këshillon kompania abonentët. Plus kërkon që brenda një muaji “të gjithë pajtimtarët me parapagesë duhet të konsumojnë balancat e tyre të mbetura, ndërsa të gjithë pajtimtarët me kontratë duhet të shlyejnë të gjithë detyrimet sipas kontratës së pajtimit”.

Plus ishte operatori i katërt i telefonisë celulare që hyri në tregun shqiptar afro pak vjet më parë me kapital tërësisht shqiptar. Plus investoi fillimisht 35 milionë euro dhe synonte të arrinte shifrën 100 milionë euro.

Por që nga viti 2010 kompania ka rezultuar me humbje të konsiderueshme që vit pas viti janë shtuar. Sipas të dhënave, me rreth 208 mijë abonentë, ajo zinte 5.23 përqind të tregut të telefonisë celulare në Shqipëri. Ky treg vlerësohet se bën një xhiro prej rreth 270 milionë euro në vit. Për tre mujorin e parë të viti 2017 raportet janë ndarë Vodafone 48.22 %, Telekom Albania 33.95 %, Albtelekom 12.6 % dhe Plus 5.23 %. Pas largimit të Plus në Shqipëri do të mbeten 3 operatorë të shërbimit celular.

REKLAMA
loading...

KOMENTO

This site uses Akismet to reduce spam. Learn how your comment data is processed.