Jemi mësuar tashmë prej vitesh që formatin e humorit në Top Channel, Portokalli, ta shohim ditën e Diel, mbrëmja e cila mbetet më e preferuara nga publiku. Por mesa duket, stafi i programacionit në TC ka vendosur të bëjë disa ndryshime në orarin dhe ditën e transmetimit të show-t.
Prej disa ditësh në ekranin e “Topit”, përkatësisht në spotin e Portokalli, thuhet se ky emision do të transmetohet ditën e Hënë në orën 21, duke thyer traditën, me përjashtim të natës së fundvitit ku jemi mësuar që ky program të shfaqej edhe në ditë jave.
I pyetur nga InfoMedia Albania, Salsano Rrapi një nga moderatoret e Portokalli thotë se emisioni do të transmetohet gjatë të hënave vetëm për dy javë për shkak të kontratës së Top Channel më Formula 1, pasi kjo e fundit në mbrëmje do të zhvillojë një kampionat garash, i cili do të zhvillohet për dy të Diela rresht.
Këto të hëna do të jenë jashtëzakonisht të forta në konkurencën e auditelit, pasi në të njëjten kohë me Portokalli do të shfaqet edhe formati i kërcimit në TvKlan, “Dance With Me”. Duke i vënë në një duel të radhës të dy televizionet? Kush do të fitojë? Presim mbrëmjet e të hënave në vazhdim për ta zbuluar!
©IMA/ J.Kasaj
