Pjesëmarrja e Alketa Vejsiu në Festivalin e Sanremos mbetet padyshim një arritje personale në karrierën e saj por edhe një përfaqësim i një figure mediatike shqiptare dinjitoz në median italiane.
Të ngjitesh në skenën e teatrit Ariston që konsiderohet një simbol i kulturës italiane përsa i përket një evenimenti që numëron 70 edicione në muzikën italiane nuk është pak, jo vetëm për Alketën por për të gjithë ata që si ajo kanë luftuar për të bërë emër, sikurse do të kishte qenë për çdo prezantuese tjetër shqiptare. E megjithatë pjesëmarrja e Alketës në Sanremo u diskutua jo pak në median tonë, shpeshherë me tone negative, sa dukej sikur kishte edhe zili ndaj saj.
Por prezantuesja edhe pse e sulmuar nga mediat vendase nuk i dha rëndësinë komenteve apo artikujve që shkruheshin për të dhe arriti në mënyrën e saj të bëj për vete edhe publikun italian.
Gjatë prezantimit të saj Alketa e përmendi edhe një herë rëndësinë e rolit të gruas në shoqëri dhe përmendi edhe arritjen e saj më të fundit, Festivalin e Këngës në RTSH, ku ajo përveç prezantuese ishte edhe drejtuese artistike e tij. Pra Alketa për ata që e kanë keqkuptuar nuk ka qenë prezantuesja e vetme femër në e festivalit në historinë e tij, por ka qenë e para femër që ka mbuluar rolin e prezantimit por edhe drejtimit artistik, sikurse e deklaroi edhe në Sanremo 2020.
