Ish-kryetarja e FRESSH, Joleza Koka ka publikuar një video në facebookun e saj ku duket si i ka hapur luftë televizionit Klan, konkretisht emisionit “Stop”.
Shkak është bërë puntata e këtij emisioni e datës 4 korrik 2017, ku Saimir Kodra ofendon balerinat e emisionit duke i quajtur kafshë.
Ka qenë Gent Zenelaj ai i cili pas kërcimit të balerinave u kërkon atyre të thonë nga një fjalë, por pikërisht këtu ka ndërhyrë Saimiri ““Çfarë do thotë, ti e di që kafshët nuk flasin. Kjo është ajo që na ndryshon ne njerëzit nga… E lere tani. Po ti moj hormovite flet ti”-thotë kodra.
Joleza Koka ka hapur edhe një peticion në lidhje me këtë gjë, ajo është ankuar edhe tek MA dhe Autoriteti i Mediave Audiovizive (AMA) kanë ndërhyrë duke e fshirë videon nga YouTube./ I.M-dritare.net
