Për të lindurit midis viteve 70 dhe 80, filmat e animuar japonez (anime) të bazuar nga librat manga kanë qenë një nga kryefjalët e fëmijërisë dhe para adoleshencës. Holly dhe Benji (titulli origjinal: Capitan Tsubasa) ishte një nga më të ndjekurit, veçanërisht në Itali, ku futbolli është pasioni më popullor sportiv dhe padyshim edhe në Shqipëri gjatë viteve 90 kur televizioni italian ishte alternativa e vetme ndaj RTSH.
Vitin e kaluar, autori Yoichi Takahashi konfirmoi lajmin se episodet e reja të serialit të animuar do të vijnë në përputhje edhe me Botërorin e ardhshëm të futbollit të planifikuar në Rusi më 2018. Dhe tani njoftimi zyrtar ka ardhur me trailer-in zyrtar: episodet e reja do të kenë të njëjtat histori, por me një animacion të përshtatur me kohën. Debutimi në Japoni është caktuar për në prill.
https://youtu.be/uUK4zTkcz1U
Captain Tsubasa, është botuar si libër manga në vitin 1981 dhe si serial i animuar në vitin 1983, me 128 episode; Në 19 korrik 1986 u transmetua për herë të parë në Itali me titullin «Holly e Benji».
OLIVER TSUBASA HUTTON (HOLLY) DHE PORTIERI BENJAMIN PRICE (BENJI)
TOM BECKER, BRUCE HARPER DHE MARK LENDERS
JULIAN ROSS, BINJAKET DERRICK DHE ED WARNER
