Rikthehet “E Diell” nga kjo e dielë në Top Channel

Ndërsa pritej të fillonte në fillim të Janarit, “E Diell” më në fund e ka një datë të premierës.

Spektakli maratonë në Top Channel, kësaj here me një ndryshim në konceptin e identitetit dhe moderatorëve. Më parë, janë mësuar dhe emrat e moderatorëve, Edi Manushi, Fjoralba Ponari, Xhilda Luzi, Nevina Shtylla, Ervin Kurti, ish-moderatorja e “Adrenalinë” në INTv Gentjana Pepa, moderatori i “Pushime on Top” Flori Gjini,  por edhe ish-balerini i trupës së “Të dielës shqiptare” Enea Malaj.

Ndër sezonet e transmetimit spektakli është shoqëruar me ndryshime të shumta moderatorësh por edhe pauza të gjata transmetimi, e ardhur kjo edhe nga audineca e ulët që emisioni ka patur.

Një tentativë për rikthimin e emisionit ka qenë sezonin e kaluar, ku “E Diell” u drejtua nga Adi Krasta, i cili edhe pse u përpoq të sfidonte “E Diela Shqiptare” nga Ardit Gjebrea në TV Klan, nuk ja doli dot, duke çuar kështu edhe planifikimin e anullimit të spektaklit.

Ditën e sotme, Top Channel ka bërë të ditur përmes promos se programi do të fillojë nga kjo e dielë më 2 Shkurt në orën 15:15. /IMA/

REKLAMA
loading...

KOMENTO

This site uses Akismet to reduce spam. Learn how your comment data is processed.