Ronela Hajati vazhdon të korr sukses me hitin e saj të Eurovision. Se fundmi këngëtarja e “Sekret” ndodhet në Spanjë ku është e ftuara speciale e një prej programeve më të ndjekur në Telecinco, kanali kryesor i Mediaset Espana.
Ronela do të jetë pjesë e spektaklit MediaFest Night Fever përkrah artistit spanjoll German Gonzales i cili do të duetoj me këngëtaren këngën “Sekret”. Një spektakël i ngjashëm me formatin “Your Face sounds Familiar” ku personazhet e njohur të showbizit veshin rolin e emrave më të njohur të muzikës për cmimin e më të mirit në interpretim.
Lajmin e ka publikuar vetë Ronela në profilin e saj në unstagram ku shprehet entuziaste për këtë pjesëmarrjen dhe dashurinë që ka për Spanjën.
Në faqen e programit janë publikuar edhe momente gjatë provave.
Ndërkohë që programi është duke u shfaqur dhe mezi po presim të shohim performancën e Ronelës! Prandaj na ndiqni!
