Me datë 2 dhjetor në ceremoninё e ndarjes së Çmimeve “Tirana Accessibility Awards” – TAA 2022, në kuadër të projektit “Tirana Evropiane pa Barriera”, Fondacioni ‘‘Sё Bashku’’ me mbёshtetjen financiare tё Kongresit Rinor Kombëtar, në kuadër të programit Tirana Kryeqyteti Evropian i Rinisë 2022 dhe në bashkëpunim me Bashkinë e Tiranës, vlerësoi ndërtesat në Tiranë që ofrojnë standardet më të mira të aksesueshmërisë për personat me aftësi të kufizuar.
TAA 2022 kishte tre kategori çmimesh:
- Tirana Accessibility Award – për sektorin privat!
- Tirana Accessibility Award – për sektorin publik!
- Tirana Accessibility Award – për ndërhyrjen më inovative!
Ҫmimi për sektorin publik shkoi per Qendrën Sociale në Kombinat, ai për sektorin privat i shkoi Universitetit Polis dhe ndërhyrja me inovative për Komisionerin për Mbrojtjen nga Diskriminimi.
Kjo nismë synon të:
– promovojё standardet më të mira të aksesueshmërisë në Shqipëri;
– inkurajoje bizneset, institucionet shtetërore etj. që të ndjekin dhe udhëheqin me shembull;
– shpërblejë ata që përputhen me standardet e aksesueshmërisë;
-të promovojë detyrimet dhe standardet ligjore të aksesueshmërisë.
Ceremonia e ndarjes së çmimeve ishte eventi përmbyllës i projektit dhe përkoi me Ditёn Ndërkombëtare tё Personave me Aftësi të Kufizuara.
