Disa orë para ndërrimit të viteve dhe vetëm dy ditë pas natës finale të festivalit të 60-të të këngës në RTSH, Ronela Hajati ka ndarë një mesazh me të gjithë ndjekësit e saj. Pas shumë urimeve për fitoren e festivalit, Ronela është ndalur veçanërisht te gjuha e urrejtjes, me të cilën një pjesë e mirë e atyre që e quajnë veten artistë, sipas Ronelës, ushqejnë një urrejtje të pakuptimë.
Në prag të Vitit të Ri, Ronela thekson se një artist i vërtetë duhet ta ketë zemrën e madhe e të bukur, jo të ligë.
Viti 2020 dhe viti 2021 kanë qenë nga vitet më të vështira të jetës sime. Jo se s’kam pasur vite të tjera të këqija, por këto kanë qenë ato më të vështirat për t’u fshehur që çdo gjë është ok. Dhe jo nga ana financiare, as dashurore, po nga njeë faktor tjetër që nuk dua ta përmend. Sot dua t’ju uroj shëndet e pozitivitet me njëri-tjetrin!
Sepse nuk e kemi…
Fitorja e festivalit ka qenë gjëja më e saktë që më ka ndodhur në këtë periudhë. Kemi punuar aq shumë për këngën “SEKRET” e prapë s’jam e kënaqur akoma. Performanca ime është për herë të parë trending në Europë si asnjëherë. Komentet e shumta nga të huajt janë 95 për qind pozitive. Kontestime? Gjithmonë do ketë, totalisht normale. Por urrejtje nga artistë për një vajzë që ka punuar me vite të tëra për shumë artistë të tjerë, për tekste të mrekullueshme, melodi të mirë është e neveritshme dhe diabolike. Do thoni kujt i plas? Mua! Mua, që kam sakrifikuar gjërat më të shtrenjta për t’i pëlqyer publikut. Komentet e keqija kanë qenë minimale, por të gjitha nga adresa shqiptare. Më falni të gjithë ju “poetët” që zhargonin e keni të mrekullueshëm. Një artist i vërtetë e ka zemrën e madhe e të bukur, jo të ligë. Një artist i vërtetë nuk blen as tekste, as muzikë, por ulet dhe punon. Gëzuar 2022! Ju dua pafund! Dhe mos harroni: Vetëm shëndet, se të gjitha rregullohen.
