Transmetuesi televiziv gjerman Mediengruppe RTL Deutschland do të nisë transmetimin e programeve të tij me një kanal Ultra HD më 28 prill 2018.
Inagurimi i transmetimeve të RTL Ultra HD do nis me garën e Formula 1 nga Baku në Azerbajxhan. RTL UHD do të transmetojë të gjitha garat e Formula 1 dhe raundet kualifikuese të sezonit aktual.
Më 5 maj, kanali i testimit do të shfaqë finalen e talent show Deutschland sucht den Superstar (DSDS) në Ultra HD në kombinim me HDR. Prodhimi nga UFA Show & Factual do të jetë shfaqja e parë e drejtpërdrejtë në Europë që do të transmetohet në UHD / HDR.
Për RTL UHD, Mediengruppe RTL Deutschland ka përmirësuar qendrën e saj të transmetimit në Këln dhe ka krijuar pajisjet teknike për të bërë të mundur përcjelljen e sinjalit UHD nga partnerët e platformës.
